Россия 1991 елга кадәр ачылган совет чоры кертемнәре буенча йөкләмәләрне үтәвен дәвам итә. Компенсация 1991 елның 20 июненә кадәр РФ Саклык банкына (һәм аңа кадәр булган банкларга) салган акчалар, шулай ук 1992 елның 1 гыйнварына кадәр дәүләт иминият оешмаларына салган кертемнәр өчен түләнә. Бу хакта юрист Юрий Телегин сөйләде, дип яза «Челнинские известия».
Компенсация күләме акча салучының туган елына бәйле:
- 1946 елга кадәр туучылар кертемнең калган өлешен өчләтә күләмдә ала;
- 1946-1991 елларда туучылар – икеләтә күләмдә.
Өстәмә рәвештә коэффициентлар кулланыла:
- 1,0 – гамәлдәге кертемнәр һәм 1996-2025 елларда түләүләр алынган кертемнәр өчен;
- 0,6-0,9 – 1992-1995 елларда ябылган кертемнәр өчен (1992 елдагы түләүләр өчен минималь коэффициент).
Мирасчылар өчен аерым кагыйдәләр каралган:
- җирләү процедурасы өчен компенсация – 6000 сум (калган кертем 400 сумнан да ким булмаган очракта);
- кертем суммасы азрак булган очракта компенсация күләме пропорциональ рәвештә исәпләнә.
Түләүләрнең мондый тәртибе 2025 елга кадәр гамәлдә була, дип хәбәр итә «Прайм» агентлыгы.
