«Сөт бәясе 15 сумнан 45 сумга беркайчан да менмәячәк» – Авыл егете сыерларын сата

Чирмешән районының Иске Кади авылында яшәүче Равил Закиров сыерларын сатарга булган. «Хәл ителде. Аларны тоту отышлы түгел», – дип язган ул.

Ул әнисе һәм сеңлесе белән капка төбендә сөт бәясе турында сөйләшеп утырган вакытларын видеога төшергән. Аның әнисе Динә апа сүзләренчә, халык арасында «сөтнең бәясе 45 сумга күтәрелә икән» дигән сүзләр йөри.

«Мин моңа ышанмыйм. Сөт бәясе 15 сумнан 45 сумга беркайчан да менмәячәк. Андый бәя беркайчан да юк иде. Син кайдан ишеттең моны?» – дип сорый ул әнисеннән. «Күршеләрдән ишеттем», – дип җавап бирә аңа әнисе.

«Хәзер сөт 18 сум тора икән», – дип яза шул видеода блогер. Аннары алар киләсе видеода 3 сыерларын да сатуга куюлары турында хәбәр итте.