«Сөннәт» төшенчәсе турында «Хозур дин турында» телеграм-каналында аңлаталар.
Сөннәт – Мөхәммәд салләллаһү галәйһи вә сәлләм үрнәгендә эшләнә торган гамәлләребез. Сөннәтне башкарган кеше әҗер-савабын алачак һәм Кыямәт көнендә Пәйгамбәрнең шәфәгатенә ирешәчәк.
Белә торып сөннәтне үтәмәү начар эш булып санала.
Сөннәт 2 төргә бүленә:
Сөннәт-мүәккәдә − Пәйгамбәребезнең даими башкарган һәм бик сирәк кенә төшереп калдырган эшләре. Мәсәлән, иртәнге намазның, өйлә, ахшам һәм ястү намазларының сөннәтләре.
Сөннәт гайре мүәккәдә − Пәйгамбәр сирәк башкарган гамәлләр, мәсәлән, икенде һәм ястү намазының фарызына кадәр кылынган 4 рәкәгать сөннәте.
«Дин вә мәгыйшәт»