21 мартта иртәнге унда Якутия юлында авариядә 4 кеше һәлак булган Биредә «УАЗик» һәм җиңел машина зур тизлектә кара-каршы бәрелешә. Тагын 4 кеше имгәнгән. Бу турыда «Комсомольская правда» хәбәр итте. «Аларның гомеренең соңгы секундлары коточкыч булган», – диелә бу хәбәрдә.
«Тойота Королла» җиңел машинасы тулысынча җимерелеп беткән. «УАЗик»ның алгы өлеше җимерелгән, арткы өлеше калган. Фотоларда машиналарда кан таплары күренә.
«Тойота Королла» йөртүчесе, салондагы 2 пассажир, «УАЗик»ның 1 пассажиры һәлак булган. Тагын 4 пассажиры исән, өчесен хастаханәгә алып киткәннәр. Дүртенче кеше металл өеме арасында кысылып калган. Ул исән, аны коткаручылар чыгарган.
Пассажирлар арасында балалар юк.
Урынга район прокуроры барган. Тикшерү эшләре дәвам итә, диелә хәбәрдә.