Ландыш Нигъмәтҗанова кияүгә чыгасы килгән хатын-кызлар турында җыр яздырган
Яңа җырның клибында алар гаиләләре белән катнашкан.
Ландыш Нигъмәтҗанова «Кайчан?» дигән яңа җырга клип төшергән. Анда җырчы туй күлмәге киеп төшкән. Клипта шулай ук аның ире Фәрит Таишев һәм дүрт баласы да катнаша.
Ә җыр никахларын законлаштырмыйча яшәүче һәм балалар үстерүче гаиләләргә багышланган.
«Кайчан, кайчан, кайчан?
Кайчан инде бер тезләнеп,
Миңа тәкъдим ясарсың?
Кайчан инде туй балдагын миңа бүләк итәрсең?
Кайчан инде матур туй күлмәге киярмен?
Кайчан инде дус кызларны көнләштереп үтәрмен?» — дигән юллар бар яңа җырда.
