«Улларым бар» — Азат Фазлыевтан өр-яңа җыр
Җырчы улларына багышлап җыр яздырган.
Азат Фазлыев үзендә кешеләрне бәхетле итү алу сәләте ачкан. Җырчы улларына багышлап җыр яздырган. «Мин — бәхетле! Мин ике ул әтисе! Җыр сезгә ошар дип ышанып калам. Комментарийларда улларыгызның исемнәрен языгыз һәм алар, һичшиксез, бәхетле булыр!» — дип яза Азат.
Улларын бәхетле итәргә теләүчеләр бик күп табылган. «Бик матур җыр! Улларыбыз Ислам, Әмир, Кәрим», Озын гомерле җыр булсын. Минем олы улым Ильяс, кечкенә улым Нияз исемле. Бәхетле булсын жир йөзенә килгән һәр бала», «Искиткеч. Минем дә улым Рамилем бар, оныгым, татлы жимешем — Тимур» һәм башка шундый эчтәлектәге бик комментарийлар калдырганнар. Ә бер инстачы: «Улым юк, оныкларым Артем, Миша. Руска әйләнеп барабыз инде, кызганыч», — дип моңсу смайл калдырган.
Җырның сүзләрен Нурсил Шәймарданов иҗат иткән, көен Булат Шәрипов язган.