«Тавышың — май» — Алинә Кәримова кино өчен башкарган җырын тәкъдим итте
«Яңа Гасыр» телерадиокомпаниясе «Кайда син» дип исемләнгән фильмны күрсәтә башлады.
«Яңа Гасыр» телерадиокомпаниясендә «Җырлыйк әле» тапшыруын алып баручы Алинә Кәримова кино өчен башкарган җырын яздырган.
«Сез сорадыгыз, без яздырдык. Күптән түгел „Яңа Гасыр“ телерадиокомпаниясе „Кайда син“ дип исемләнгән фильм тәкъдим итте. Кино башланганда яңгыраган җыр интернет мәйданчыкларда кайчан чыга дип сораучылар өчен — менә ул… Рәхим итеп тыңлагыз. Әлеге җыр Халисә Ширмән шигыре, Зөлфәт Вәлиуллин көенә язылды», — дип язган ул.
Алинәнең җырлавына сокланучылардан тыш, К.Тинчурин артисты Резидә Сәләхова «тавышың — май», дип комментарий калдырган.
Айгөл Бариева киноның чираттагы серияләрен тизрәк чыгаруларын сораган.