Җырчы Сөмбел Билалова концертында ни өчен кияүгә чыкмавын аңлатты.
Җырчы «Нигә кияүгә чыкмыйсың?» дигән сорауның үзенә еш бирелүен искәртте дә җавабын да аңлатты:
- Бездә шундый хәл бит әле. Әнием – Наилә, әтием – Наил. Апам – Гөлшат, җизнәм – Илшат. Мин – Сөмбел? Ә миңа? Нинди исем туры килер иде?
Тамашачылар гаҗәпкә калды һәм исемнәр кычкыра башладылар. «Гайсә», «Хәлим», «Фәрит», «Айдар».
- Сөмбел-Айдармы? – дип гаҗәпләнеп сорады җырчы.
- Минем бер уем бар, - диде җырчы. – Миңа «л» һәм нечкәлек билгесенә беткән исем туры килер иде. Мәсәлән... Минем беренче иремнең исеме «Рафаэль» иде. Тоже булмады, - дип көлде Сөмбел.
Бер ир өзгәләнеп-өзгәләнеп «Самвел!», «Самвел!» дип бу шартка туры килгән исемне кычкырды. Әмма Сөмбел аны ишетмәде дә.
- Бу шаярту гына, мин тиң кеше очравын телим, аның очравын мин беләм, шулай бит? – дип кул чаптырды җырчы һәм «Ялгыз түгел» дигән җыр башкарды.