Сөмбел Билалова «Агылалар ак болытлар» дигән яңа җырына клип төшергән. Анда Питрәч районы Чыты авылы кешеләре катнашкан, җырчы аларга рәхмәт сүзләре дә белдерә.
Яңа җырның авторлары – Рауза Хафизова һәм Гүзәлия.
«Дуслар! Миннән яңа клип!!! «Агылалар ак болытлар» җырына бу клипны май аенда төшергән идек. «Китапта язылганча» булды ул. Чын татар клибы. Матур авыл, табигать, елга, шомырт, гармун... Мин – авыл кызы һәм кара «Мерседес»та – шәһәр егете. Нәрсә белән тәмамланганын үзегез карарсыз», – дип язган җырчы социаль челтәрдәге сәхифәсендә.