Җырчы Сөмбел Билалованы концертларда «автоледи» дип игълан итәләр. Баксаң, Сөмбелнең машинадан төшкәне дә юк икән. Унсигез яшьтән бирле ул рульдә. Җырчы бу хакта «Интертат»ка үзе сөйләде.
Мин м чын-чынлап, бөтен күңелем белән «автоледи». Мин һәрвакыт машинада. Ул миңа бернинди авырлык та китерми. Ничек кенә арган булсам да, мин һәрвакыт рульдә. Барасы җиремә үзем барсам, миңа шулай тынычрак, рәхәтрәк.
Гомумән, мин юлда йөрергә яратам. Юлда уйлыйм, җырлар тыңлыйм, күптән вакыт җитмәгән эшләрне рульдә килеш эшлим. Яратам инде.
18 яшь тулуга, иң беренче итеп, әтидән машина йөртергә өйрәтүен сорадым. Аннары, күп тә үтми, таныклык алдым. Шуннан бирле машина белән аерылышкан юк. Бүген күп вакыт эченә беренче тапкыр Зәринә (Зәринә Хәсәншина. – ИТ) белән килдем (Апаста «Мәйдан» телеканалы Open air концерты уздырды. – ИТ). Уңайсыз ничектер хәтта (көлә).
Техниканы, дөресен әйтәм, аңламыйм. Йөрергә генә яратам, – дип сөйләде Сөмбел Билалова.
Фото: © Сөмбел Билалованың социаль челтәре