Россия армиясе махсус операция уздыру зонасында барлык юнәлешләрдә дә һөҗүм итә. Бу хакта Россия Иминлек советы секретаре, элекке оборона министры Сергей Шойгу әйткән, дип яза «Российская газета».
Шойгу сүзләренчә, барлык юнәлешләрдә дә һөҗүм «шактый әйбәт бара».
Шулай ук ул мондый хәрәкәт дәвамлы булыр, моның өчен боеприпаслар һәм техника резервы булдырыла, дип тә әйткән.
Шойгу сүзләренчә, аның яңа вазифасында махсус хәрби операция иң төп бурычы булып кала.
Россия Президенты Владимир Путин карары буенча, Сергей Шойгу оборона министры вазифасыннан азат ителеп, Россия Иминлек советы сәркатибе вазифасына билгеләнде. Хәзер оборона министры – Андрей Белоусов.
Шойгу Оборона министрлыгын 2012 елдан бирле җитәкләде.
