Сода: бәясе арзан – файдасы күп!
Өйдә содасы булмаган кеше сирәктер, ә менә әлеге гади чәй содасының нинди үзлекләргә ия булуын күпләрегез белмидер әле.
Коры ютәл булганда, бер стакан җылы сөткә бер чәй калагы сода салып болгаталар да әкренләп эчәләр, дип хәбәр итә «Медицина» порталы.
Содалы эремәдә чылатылган мамык диск белән күзне сөртеп алсагыз, конъюнктивиттан булыша.
Тирләгәндә содалы эремә белән юынып, тир бизләренең эшчәнлеген киметеп була.
Ашказаны эшчәнлеге бозылганда, бер стакан сөткә ике чеметем сода салып эчәргә була.
Тәлинкәгә сода салып, суыткычыгызның киштәсенә куйсагыз, суыткычтагы начар истән котылырга ярдәм итәчәк.
