"Халык җырчысы" үзешчән җырчылар бәйгесе башланды: төп бүләк - смартфон!

"Халык җырчысы" бәйгесе үзешчән җырчыларга тиз арада танылу мөмкинлеген бирәчәк.

"Татар-информ" редакциясе "Интертат" электрон газетасысайтында "Халык җырчысы" конкурсын башлап җибәрә. 

Бу бәйге үзешчән җырчыларга танылу мөмкинлеген бирәчәк.

Конкурста катнашырга теләүчеләргә үзләре яки танышлары җырлаганны видеога төшереп алырга кирәк. Җырчының исем-фамилиясе, аның турында кыскача мәгълүмат язарга кирәк. Шушы видеоязманы һәм мәгълүматны info@tatar-inform.tatar адресына юллау сорала.

Искәрмә: җырчы видеоязманы үзе җибәрмәгән очракта, башка кеше төшергән видеоязманы сайтка урнаштырырга башкаручының рөхсәте булырга тиеш.

Видеоязмалар "Интертат" сайтындагы “Халык җырчысы” рубрикасына урнаштырылачак. Иң күп каралган видеоязма һәр атна саен ачыкланачак. Төп җиңүче 2018 елның 4 маенда - һәр атнаның җиңүчеләре арасында тавыш бирү юлы белән билгеләнәчәк. Тавыш бирү "Интертат" электрон газетасының ВКонтакте социаль челтәрендәге төркемендә оештырылачак. 

Җиңүче смартфон белән бүләкләнә. 

Бәйгенең хештеглары - #интертатконкурс #халыкҗырчысы

Искәртеп узабыз, “intertat.tatar” сайты татар телле сайтлар арасында дөньяда беренче урында тора. “Интертат” сайтын аена 55 меңнән артык уникаль кулланучы карап бара.