Шүрәле белән Су анасының "мәхәббәтен" прокуратура тикшерә

Казанда яшәүче 50 яшьлек Зоя Латыйпова сумка сатып алган һәм анда шәрә Шүрәле белән Су анасын күреп, шок кичергән. Җенси мөнәсәбәтләргә кергән әкият геройлары янына "Мәхәббәт" дип язып куелган була. Зоя ханым прокуратурага мөрәҗәгать итә. Шүрәле белән Су анасын чишендереп кавыштырган кеше Чаллы рәссамы Данил Әхмәтшин икәне ачыкланган. Хәзер бу хәлне прокуратура тикшерә.