Гөлсирин Абдуллина - Азат Абитов гаиләсе ишәячәк: «Яңа елга шатлык белән керәбез»
Гөлсирин белән Азат инстаграм сәхифәләрендә фотосессиядән фотоларын урнаштырган. Инстачылар Гөлсириннең авырлы булуын күреп алган.
«Елның иң зур бүләге. Тфү-тфуү дип карагыз», — дигән Азат Абитов.
«Аллаһ боерса, быел Яңа 2022 елга зур шатлык белән керәбез!» — дип язган Гөлсирин Абдуллина.
Яшь гаиләне тамашачылар да котлаган: «И-и бәхетле булыгыз, сау-сәламәт бала алып кайтырга язсын! Гөлсириннең йөзе бәхеттән балкып тора, астагы бәләкәчне күрми дә тора. Тигезлегегез, бәхетегез белән үстерергә язсын», «Сөбханаллаһ дип кенә карыйк берүк, зур бәхетләр сезгә», «Шатлыктан күзгә яшьләр килде. Күз тимәсен», — дигәннәр.