Римма Никитина Мәскәү бизнесменына кияүгә чыга?

Римма Никитина Мәскәү бизнесменына кияүгә чыга?
Социаль челтәрләрдә Римма Никитина кияүгә чыга дигән хәбәрләр чыкты. Без Римманың үзе белән сөйләшеп, мәсьәләгә ачыклык керттек. Римма кияүгә чыгарга җыенмый булып чыкты. Әмма җитди рәвештә очрашып йөргән кешесе бар икән. Күз тимәсен дип, егетенең йөзен бер кешегә дә күрсәтми. Аркасы белән торганда төшкән фотосын гына куйган, егетенең җилкәләре бик киң булса да, күз тимәс дип өметләник.

- Ул Мәскәү егете, миннән дүрт яшькә олы. Үзенең бизнесы бар. Шоу-бизнес өлкәсеннән ерак кеше, төзелеш белән дә, башкасы белән дә шөгыльләнә.

- Татар кешесеме соң ул? Татарстанга катышы бармы?

- Юк.

- Ни өчен аның үзәген өзеп йөрисең соң, кияүгә чыкмыйча? 

- Минем бер тапкыр авызым пешкәне бар. Шуңа күрә мөнәсәбәтләрне сынарга кирәк дип уйлыйм. 

- Кияүгә чыкмыйсыңмыни? 

- Чыгам. Берәр кайчан.