Концертта җырчыны мактауның яңа баскычы: "Ул җырлаганда мулла азан әйтүеннән туктый"
"Йолдызлы хит-парад" концертында алып баручы Альбина Апанаеваны бик нык мактады.
Концерт алып баручыларның күбесе: “Менә бу җырчы менә шушындый, тегесе шәп, өченчесе тегенди”, - дип җырчыларны сәхнәгә чыгара. "Йолдызлы хит-парад" концертында да шул ук күренеш булды.
Алып баручы Фаил Баязитов Альбина Апанаеваны игълан иткәндә җырчыны артык мактады.
“Ул җырлаганда, мулла азан әйтүеннән туктый, аның җыры радиодан яңгыраса, роддомда бала тапмый торалар”, - диде алып баручы. Һәм тавышын сандугачныкына тиңләде.
Концертта катнашудан чыгып әйтә алам - Апанаеваның җырлавы белән сандугачның сайравы җир белән күк арасы иде.
Апанаева булдымы сандугач, Фаил?! Азан әйтү турындагы төрттерүең урынсыз. Азан укыганда җырлаган җырчы әдәпсез була ул! Ә син сандугач дисең.