Инстачы Данир Сабировка: «Синең хатыннан күпкә чибәр бер кыз матур итеп карый сиңа»
«Татар эстрадасы» сәхифәсендә юмор остасының яңа җыры тәкъдим ителгән.
Видеода Данир Сабиров машинада «Бир кулыңны» яңа җырын кабатлап утыра. Янына бер машина туктаган. Йөртүче хатын-кыз артистны танып алган һәм озаклап аңа карап тора.
Инстачылар машинада артистка текәлеп утыручы кыз өчен кайгырган: «Клип булган бу», «Күрше хатынга күз кысар идең, шул кадәр бирелеп карап утыра», «Бер кыз сиңа карый да карый. Син сәлам дә бирмисең», «Синең хатыннан күпкә чибәр бер кыз матур итеп карый сиңа».
«Ул бит җырга бирелгән. Чын күңелдән җырлый», — дип яклап чыккан берәү юмористны.