Җәвит Шакировны хатынын мактауда гаеплиләр: "Ничек шулай хатыныңны мактап була икән ул?"
Татарстанның халык артисты Җәвит Шакиров Инстаграм битендә хатыны Зөлфия Шакированың фотосын урнаштырган.
"Зөлфия Шакирова. Һәрвакыттагыча элегантно, үз дәрәҗәсен белеп, тамашачыларны яратып, хөрмәт итүче", - дип язган Җәвит Шакиров.
Әмма артистны шелтәләүчеләр дә табылган: "Ничек шулай хатыныңны мактап була икән ул?" - дигәннәр.
"Ни әйтсәң дә, Зөлфия стильлеген югалтмый, зәвыклы хатын-кыз", "Чыннан да, Зөлфия акыллы, тыйнак хатын-кыз. Аның җырлавы, сәхнәдә үз-үзен тотышы да башкаларныкына охшамаган. Шундый җиңел генә, җиренә җиткереп җырлый. Мактауга лаеклы җырчы!", "Җәвит, бар яктан да молодец син. Юньле кеше үз хатынын мактый. Чын егет син. Кызганыч, андыйлар бик сирәк. Ә бит чын мәгънәсендә Зөлфия мактауга лаек. Зөлфия Шакирова булмаса, Җәвит Шакиров булмас иде. Уңышлар сезгә, бер-берегезне тулыландырып торыгыз", - дип язган тамашачылар.
