Элекке полиция хезмәткәренең клибын ютубта 33 млн кеше караган | intertat.tatar

Элекке полиция хезмәткәренең клибын ютубта 33 млн кеше караган

Хәбиб Шәрипов башта криминалист булып эшләгән.

Элек полиция хезмәткәре булып эшләгән Хәбиб Шәрипов, «Ягода малинка» җырына клип төшереп, ютубка куйган. Клип бик тиз популярлашып киткән. Аны бер ай дәвамында 33 млн нан артык кеше караган. Җыр «Русский чарт» рейтингының иң югары баскычына күтәрелгән. Бу турыда «Татарстан» ДТРК хәбәр итә.

Хәбиб, юридик факультетны тәмамлагач, күпмедер вакыт Казанда криминалист булып эшли. Соңыннан егет үзенә шоу-бизнес өлкәсе якынрак икәнлекне аңлап ала.

2018 елда Хәбибне Ольга Бузова күреп алды һәм Шәрипов «Песни» дигән шоуның сайлап алу кастингында катнашты, диелә әлеге хәбәрдә.