Илназ Баһ клуб “ачкан”

Эстраданың популяр җырчысы Илназ Баһ Арча районы Сарай-Чокырча авылында клуб ачу тантанасында катнашкан.


Чыгышы белән үзе дә Арча районыннан булган Илназны тантанага кунак буларак чакырганнар. “Өр-яңа мәдәният йортын ачу чарасында Арча районы башлыгы Илшат Нуриев, Курса “МТС”ы җитәкчесе Рәүф Гыйләҗетдинов, Урта Курса авыл җирлеге башлыгы Рәмзия Вафина һәм авыл халкы катнашты. Клубның тантаналы ачылышы вакытында кызыл тасманы Сарай-Чокырча авылы балалары кисте. Бәйрәм клуб эчендә котлау сүзләре, җыр һәм бию белән дәвам итте”, - дип белдерде Интертатка Илназ Баһ.