«Мунча ташы»ндагы Матуркаева — Алчәчәк Әхмәтовага кияүгә чыгарга тәкъдим ясаганнар | intertat.tatar

«Мунча ташы»ндагы Матуркаева — Алчәчәк Әхмәтовага кияүгә чыгарга тәкъдим ясаганнар

«Мунча ташы» эстрада театрының элекке артисты Алчәчәк Әхмәтова кияүгә чыгарга җыена. Кияүгә чыгу тәкъдименә ул «әйе», — дип җавап биргән. Бу мизгел кергән видеоны ул инстаграм битенә урнаштырган.

Видеода күренгәнчә, Алчәчәчккә тәкъдимне бер мәҗлестә ясаганнар. Ак күлмәк кигән Алчәчәккә кәләш чәчәк букетын бүләк итә һәм шул вакытта аңа егете йөзек биреп, кияүгә чыгарга тәкъдим ясый. Алчәчәк: «Әйе!» — дип җавап бирә. Яшьләр кочаклашып үбешәләр.

Кунаклар яшьләргә «котлыйбыз», — дип әйтә.

— Онытылмаслык мәҗлестә мине матур итеп ясадылар, — дип язган ул.

Алчәчәкне халык та котлаган: «Котлыйм, бәхетле булыгыз», «бер-берегезне саклагыз», «син моңа лаек», — дигәннәр.

«Мунча ташы» татар сатира һәм юмор эстрада театрында ун ел буена эшләде, бүгенге көндә Алчәчәк Әхмәтованың 2010 елда Түбән Кама шәһәрендә ачкан хатын-кызлар киеме кибете бар. Алчәчәк әңгәмәләрендә дә кибеткә товарны Төркиягә барып, үзем сайлап алып кайтам, дип сөйләгән иде.