Җырчы Гөлназ Гафурова: «Табиблар улыбызны йөри алмас дигәннәр иде»
Җырлы гаилә Вәли Фазлыйәхмәтов һәм Гөлназ Гафурованың улларына 12 яшь тулган.
«Бу көннәрдә мин гаиләмдәге ир-егетләрне котлыйм. 21 февраль — иремнең туган көне, 24 февраль — улымныкы. Мине югалткансыз икән. Бу көннәрдә мин гаиләм белән. Бүген эштән соң барыбыз да кафега җыелдык.
12 ел үткәнне сизми дә калганмын. Улымның Апгар шкаласы буенча 2 баллык булып тууын искә алсам… Табиблар «балагыз йөри алмас» дип әйткәннәр иде. Күңелсез булып китә. Күпме күз яшьләре, борчылулар. Әлхәмдүлилләһ, барысы да үткәндә калды. Мин әле бу хакта сөйләргә әзер түгел», — дип язган җырчы.
