«Нигә хатыныгызны ат кебек эшләтәсез?» - Инстачылар Азат Фазлыевка зар белдерә

Җырчы Азат Фазлыев тормыш иптәше Алсуны ат белән чагыштырган. Кайбер инстачыларда Азатның бу гамәле ризасызлык тудырган.

«Алсуның футболкасында нәрсә рәсеме күрәсез? Әйе. Мин аны нәкъ ат белән чагыштырам да! Көн-төн эшләргә әзер бит ул!

Тиздән аның туган көне. 23 февраль. Бер генә көн булса да патша булырга иде дә соң, әмма бу көнне патшабикәм туган.

Ә хәзер шундый сорау: аның туган көненә нинди сюрприз ясыйм икән?

Алсу кара исемлектә, ул бу постны күрми.

Тәкъдимнәрегезне көтәм!» — дип язган Азат Инстаграм битендә.


«Нигә соң хатыныгызны ат кебек эшләтәсез? Үзегез ат кебек эшләгез, сез ир-ат бит!» — дип ачуланган Азатны бер инстачы.

«Сез бу тормышта шаярып, елмаеп яшәргә өйрәнегез! Бәлкем аңларсыз бу язманы» - дигән икенчесе;

Җырлы гаиләнең инстадуслары үзләренең күп тәкъдимнәрен җиткергәннәр.

«Алсу үзе ат булып тоела миңа. Көч, сәләт, оптимизм, тырышлык үрнәге бит ул!»;

«Алсу эшли-эшли концертлар куеп, арып-туеп бетәдер. Шуның өчен клиптагы шикелле улларың белән кичке аш яса, аның иң яраткан кешеләрен чакыр»;

«Безнең Балтач кызлары шундый көчле алар. Молодец. Эшләмәсәң, берәү дә китереп бирми. Эшләп тапкан малыгызның игелеген күрегез»;

«Экстрим. Парашюттан очыгыз»;

«Матур хатыныңны суырып үп»;

«Ләкләк сурәтләнгән открытка бүләк итегез, эченә «Алсуга охшаган кыз кирәк», — дип языгыз. Президент боерыгын да үтәрсез, гаиләгез дә ишәер», — дип киңәшләрен калдырганнар Азатка виртуаль дуслары.