Данир Сабиров халык исәбен ала: «Сезнең арада Миләүшәләр бармы»?

Артист Җир шарында күпме Миләүшә исемле кеше яшәгәнен ачыкларга булган.

Пародист Данир Сабировның хатыны Миләүшә исемле. Ул Җир шарында күпме Миләүшә исемле кеше яшәгәнен ачыкларга булган.

«Сезнең арада Миләүшәләр бармы? Бәлки апагыз, әниегез, хатыныгыз, күршегез Миләүшәдер?! Фиалкалар исәбен алуны ачык дип игълан итәм. Ай, Миләүшәләр арасында… Хәзер, сез, матурларның Җир шарында күпме булганын саныйбыз», - дип язган Данир Сабиров хатыны белән төшкән фотосы янына.

Артистның виртуаль дуслары активлык күрсәткән. Кемнеңдер күршесе Миләүшә, ә кызы Фиалка. Кемнеңдер ике кодагые да Миләүшә исемле икән. Кайсы әнисе, кызы, килене, дусты, туганы Миләүшә булуын яза. Данир Сабиров санап бетерә алырмы инде…