«Ыштансыз Кыш бабай» — Рамазановлар гаиләсе Яңа елга әзерләнә | intertat.tatar

«Ыштансыз Кыш бабай» — Рамазановлар гаиләсе Яңа елга әзерләнә

Зинира һәм Ризат Рамазановлар чыршы бизәгән.

Зинира һәм Ризат Рамазановлар Яңа елга әзерлекне бер ай алдан башлап, бии-бии, чыршы бизәп куйган. 

Иҗади гаилә әлеге процессны тулы бер шоуга әйләндергән. Ризат — Кыш Бабай, ә кызлары Айгизә Кар кызы булып киенгән. Күңелле видеоны инстаграм сәхифәсенә урнаштырганнар. 

«Әле чыршы бизәдегезме? Сүз уңаеннан, кемгә Кыш бабай, Кар кызы кирәк? Айгизә белән Ризат әзер», — дип яза алар. 

Инстачыларга Ризатның Кыш бабай костюмын кыска шортик өстеннән генә киюе кызык тоелган. «Кыш бабай ыштан кияргә оныткан икән», — ди алар. 

«Джингл Белс» көенә чыршы бизәүче Зинирага да «эләккән». «Белми калыр идек, ярый куйдыгыз», «Нәкъ менә арт якны болгарга кирәкме, искиткеч кешеләр бар бу дөньяда», — дип комментарийлар калдырганнар.