Инстачы Алсу Фазлыевага: «Комментарийларга дәшми калсагыз яхшырак»
Җырчы үз сәхифәсенә улы белән энесенең фотосын куйган.
Җырчы Алсу Фазлыева инстачылар игътибарына улы белән үзенең бертуган энесе төшкән фотоны куйган һәм: «Охшаганнармы?» - дип кызыксынган.
Җырчының виртуаль дуслары ике төркемгә бүленгән. Бер төркемдәгеләр охшаган дисә, икенчесендәгеләр: «Улың үзеңә охшаган», - дип язган.
«Бүтән күрсәтер әйберең беттеме әллә?» — дип комментарий язучыга җырчы: «Көнчелек кешене үтерә. Әле мин бик күрсәтмим дә, йөрәгегез түзмәс. Шуңа күрә сәламәтлегегезне бетереп, безне карап утырмагыз, апа, җаным. Сәламәтлек һәм бәхет телим», - дип җавап та биргән.
«Комментарийларга каршы дәшмәсәгез, сез тагын да күркәм булыр идегез. Дәшми калсагыз яхшырак», - дип язучы инстачы белән «сез хаклы» дип килешкән җырчы.
