Роберт Миңнуллин Артур белән Маратның аерым җырлый башлавына гаҗәпләнүен белдергән

"Бәтәәәч! Артур белән Марат аерым-аерым җырлый башлаганнар икән, чын булса. Аларның репертуарында минем ике бик матур җырым бар. "Каеннарым" (Урал Рәшитов көе) белән "Әгәр мине бик сагынсаң" (Ринат Гобәйдуллин көе). Юбилеемда шундый матур итеп җырлаганнар иде! Хәзер нишләячәкләр инде? Җырлаячаклармы? Юкмы? Җырласалар, кайсы җырлаячак? Кайсы җырламаячак? Икесе дә җырламаячакмы? Икесе дә җырлаячакмы?" - дип гаҗәпләнгән Роберт Миңнуллин.

"Бик матур тавышлы дуэт иде","Инициаторы Марат дип беләм. Бик сәер адым аның тарафыннан. Популярлылыкның пигында шушындый адымга бармыйлар, юләр поступок. Артур аны сәХнәгә алып чыгучы да, җырчы итүче дә. Артур чын профессионал җырчы, бөтен яктан да. Кире кушылсалар, әйбәт булачак, икесе өчен дә", "Ике кешегә hаман-hаман үзара килешеп эшләргә авырдыр шул, hәркемнең үз холкы, үз фикере, үз кузаллавы", "Кызганыч", "Аяныч", - дигәннәр язылучылар.