Чаллы театры артисты Ләйсән Нургалиева дүртенче баласын тапты

Ләйсән Нургалиева бу театрда 24 ел эшли.

Чаллыдагы татар драма театры артисты Ләйсән Нургалиева дүртенче тапкыр әни булды. Бу турыда «Татар-информ» хәбәр итте.

Артистның дүртенче баласы — кыз, ул 3895 грамм авырлыкта, 52 см озынлыкта туган. Балага Сәмирә дип исем кушканнар.

Ләйсән Нургалиева Чаллы театрында 24 ел эшли. Ирен дә биредә очраткан. Ул сәхнә яктыртучы булып эшли. Ләйсән сәхнәдә бәхетсез хатыннар ролен уйнавын, көндәлек тормышта максималь дәрәҗәдә бәхетле булырга тырышуын сөйләгән.

Аның олы баласы иҗади сәләтен күрсәтә башлаган инде. Уртанчы кызы актерлыкка хирыс икән. Ә уллары исә спортны якынрак итә, футбол белән шөгыльләнә, диелә хәбәрдә.