«Күршеләр. Дуслар. Тик шулай!»: Миңнеханов белән Хәбиров бергә төшкән фото куйды

Башкортстан Президенты Радий Хәбиров Инстаграмына Рөстәм Миңнеханов белән бергә төшкән фотоларын куйды.

Башкортстан Президенты Радий Хәбиров үз Инстаграмына Татарстан Президенты Рөстәм Миңнеханов белән кочаклашып төшкән фотоларын куйды. Президентлар автоузышта, автомобиль янына басып төшкәннәр. «Күршеләр. Дустар. Тик шулай!» — дип язып куйган Радий Хәбиров фото астына.

Инстачылар бу дуслыкка чын күңелдән сөенгән, уңай комментарийлар калдырганнар.

«Башкорт белән татар — гомерлек туганнар»;

«Ике батыр»;

«Иң яхшылары! Бәйрәм белән, абзыйлар!»;

«Ике алдынгы республика башлыгы!» — диешкән күпчелек.

«Татарстанны куып тотып, узып китәргә кирәк. Алар белән ярышыйк! Яхшырак булыйк!» — дип Башкортстан Президентына киңәш бирүчеләр дә табылган арада.