Данир Сабиров яңа образга керү өчен күкрәк ясаткан һәм арт ягын кабарткан

Пародияләр остасы виртуаль дусларына спектакльгә яңа образны күрсәтте.

Данир Сабиров кызыклы видео куйган. Ул анда хатын-кызның эчке киемен кигән.

«Сәхнәдә миңа пластик операция ясатмыйча гына хатын-кызга әверелергә кирәк. Серне чиштем, әмма чын хатын-кыз буларак күлмәгемне күрсәтмим. Я, әйтеп карагыз, кемгә пародия ясыйм? Кайсы хатын-кызның пропорцияләре, параметрлары?» — дип көзге янында бөтерелә ул.

Инстачылар арасында яңа образны төрлечә кабул итүчеләр бар.

Пародия остасының виртуаль дуслары бу образны Ләйсән Мәхмүтова, Бәширә апа, Әлфинә Әгъзамова, Эльмира Сөләйманова, Мэрилин Монро, Анфиса Чехова, Дженифер Лопес кебек танылган артистларга охшаткан.

«Данира апа», «Абау, хәшәрәт», «И, Ходаем, нишли бу артистлар?» — дип шаккаткан кайберәүләр.

«Чыдап та булмый, тизрәк күлмәк кидереп карыйсы килүдән бүген төнлә тыныч кына йоклап та булмаячак инде», «Кем уйлап таба боларны? Каян шулкадәр фантазия? Көлеп эчем катты. Бөтен кигән киемең, сөйләгәң юморың, бөтен нәрсә килешә сиңа», «Шәп», — дип комментарий калдыручылар да бар.