«Битлегең дә үзең кебек сексуаль» — Автор-башкаручы Гүзәлия үзенчәлекле битлек кигән
Мәскәүдә яшәүче продюсер челтәрле битлек кигән фотосын күрсәтте.
Автор-башкаручы, продюсер, композитор, Мәскәүдә яшәүче Гүзәлия Инстаграм сәхифәсенә үзенчәлекле битлек кигән фото һәм коронавируска багышланган шигырь куйган. Бу фотога кызыклы комментарий язучыларны бүләкләргә дә вәгъдә иткән ул.
«Шәһризадә», «Битлегең дә үзең кебек сексуаль», «Искиткеч матур битлек. Миңа да шундый кирәк. Каян алдыгыз?», «Шәһризадә үзенең ак атка атланып килергә чыккан принцын көтә», «Үлемсез Бетман кебек», «Сихри битлек килешә бит үзеңә», «Матурлыкны битлек белән яшереп булмый» кебек комментарийлар калдырган җырчының виртуаль дуслары.
Матур комментарийлар Гүзәлиянең кәефен күтәргән. Ул шат смайликлар куеп калдырган.