Гүзәл Уразованың төпчек кызы Кәмиләгә – 7 яшь!

Татарстанның халык, Башкортстанның атказанган артисты Инстаграм сәхифәсендә шатлыклы вакыйгасы белән уртаклаша.
“Бүген безнең нәни кошчыгыбыз Мәмилүшканың туган көне.

Балакаем! Күз нурыбыз! Бәхетле була күр! Тормыш синең өчен бары тик матур һәм күңелле мизгелләрдән генә торсын. Ак бәхетле мул тормышта яшәвеңне телибез. Сау-сәламәт бул, безне һәрчак сөендер!

Син хәзер инде зур, 7 яшь сиңа, тиздән мәктәпкә барасың. Тырышып, яхшы билгеләргә укы, өлкәннәрне хөрмәт ит. Уңышлар сиңа балакаем, Кәмилә!” – дип язган Гүзәл Уразова.

“Әтисе кызы ахры, бик охшаган әтисенә, бәхетле бала булсын, Ходаем, тигезлектә үстерегез”,  “Гүзәл, бәби тапкан көнең белән сине! Балаларга бәхет теләп яши әти-әниләр. Тигезлектә саулык белән үтсен безнең гомерләр. Кәмиләне туган көне белән. Акыллы, тәүфыйклы, миһербанлы булсыннар. Иң изге теләкләр”, “Котлыйм сине, үскәнем. Бәхетле балачак сиңа, ак җәймә юлларыңа, чибәркәй”, - дип теләгәннәр җырчының инстадуслары.

Без дә котлауларга кушылабыз! Кәмиләгә сәламәтлек һәм укуында зурдан-зур уңышлар телибез!