Дилә Нигъмәтуллинаның гитара уйнап бала йоклатуын ошатмаганнар

Дилә Нигъмәтуллинаның гитара уйнап бала йоклатуын ошатмаганнар
Җырчы гитара уйный, кызы диванда ята. "Ә сез балагызны ничек йоклатасыз?" - дип сораган Дилә. 

Инстаграмдагы осталар баланы ничек йоклатырга кирәклеге хакында киңәшләре белән бүлешмичә кала алмаган, билгеле.

"Гитарада уйнарга өйрәнергә кирәк, Дилә. Чәчкәдән үрнәк ал. Баланы гитара белән йоклатмыйлар".

"Ярар", - дип җавап биргән Дилә.

"Ни җәйгән урын өстендә түгел, аяк астында, вокзалдагы кебек?"

"Шулаймыни? Белмәгән идем бит. Ярар, шулай эшләрмен икенче тапкыр. Әлегә кадәр гел аяк астында йоклата идем баланы", - дигән Дилә. 

"Нигә татарлар барысын да турыдан туры аңлый икән? Ул бит күчмә мәгънәдә әйткән, ә сезгә мендәр-юрган кирәк..." - дип җавап язган моңа бер дусты.