Чәчкә ябыгырга һәм кызының исемен үзгәртергә өндәүчеләргә җавап язган

Җырчы Чәчкә үзенә язган комментарийларны санап чыгып, алардан риза булмавы хакында белдергән.
"Нинди бар, шундый!

Соңгы арада язылган кайбер комментарийлардан:

- Чәчкәгә ябыгырга кирәк;
- Дөрес җыр җырламыйсың;
- Чәчкәне макияжсыз танып та булмый;
- Күлмәгегез халат кебек;
- Кызыгызның исемен үзгәртегез;
- Ычкындыңмы соң?
- Нәрсә кыланырга белмисең.

Мин үземнең тормышым белән яшим, сезгә дә шуны киңәш итәм!" - дип язган Чәчкә.

Чәчкәне яклаучылар да бар, әмма кайберәүләр бу өндәмәне кабул итмәгән.

"Сез бит күренекле кешеләр, тискәре комментарийларны да күтәрә белегез. Мондый негатив караш сезне бизәми. Без үзебезне көзгедән карасак та, карамасак та - гади кешеләр".

"Сез җырчы кеше, шундый сүзләр язу бер дә сезне бизәми".

"Илсөя Бәдретдинова кебек, гонорлы", - дигән комментарийлар калдырганнар.