Зәйнәб Фәтхетдинова белән Зөфәр Билалов фермада мәхәббәт аңлатышкан

Җырчылар яшь чакта төшерелгән телевизион спектакльдән өзек куйганнар.

Зәйнәб Фәтхетдинова белән Зөфәр Билалов яшь чакта төшерелгән телевизион спектакльдән өзек куйган. Анда аларның яшь чаклары. Зәйнәб сыер савучы, Зөфәр ферма мөдире ролен уйнаган.

Спектакльдән өзектә Зөфәр: «Зәйнәб, бүген клубта депутат белән очрашу була. Чыгасыңмы?» - дип сорый.

«Белмим әле, бик арымасам, чыгармын», — дип җавап бирә Зәйнәб.

Аннары аларның «уйлары очраша». Зөфәр: «Зәйнәп, син мине яратасыңмы?» — дип сорый. Зәйнәб тә уйлары аша: «Яратам, Зөфәр», - дип җавап бирә.

Җырчыларның виртуаль дуслары спектакльне ошаткан.

«Матур кино. Яшь чаклары…»;

«Менә ничек матур сез монда, бик килештереп уйныйсыз. Иҗат чишмәгез гел кайнап торсын, мондый кинолар күбрәк һәм озынрак булсыннар иде»;

«Ак кием, ак яулык бик килешле».

«Бик килешә үзегезгә, бәлки сыер фермасы ачып җибәрергәдер», дип тәкъдим иткән бер акыллысы.