Гөлүсә Шаһбан ире Закир Шаһбанның беренче никахыннан туган улын күрсәтте
Ильяс Оренбургтан әтисе янына Казанга кунакка килгән.
Гөлүә Шаһбан бу турыда үзенең инстаграм сәхифәсендә яза.
«Таныштырыйм әле… Инде сез Закир Шаһбанның уңган-булган кызы-йолдызы Алисә бар икәнен беләсез. Ә менә Оренбургта яшәп ятучы 32 яшьлек улы бар икәнен күпләрегез белмидер дә (беренче хатыныннан). Аның исеме Ильяс. Хәзерге вакытта Ильяс әтисе янында Казанда кунакта. Алисә белән Ильяс ошаганнармы соң?» — дип сорый ул инстачылардан.
«Алисә икеләтә бәхетле, аның абыйсы бар. Еллар узган саен туганнарың булганына ныграк сөенәсең, мөнәсәбәтләрне тирәнтенрәк аңлыйсың. Бәхетле булыгыз»;
«Алисә сезгә күбрәк охшаган, ә Ильяс — әтисенә. Бергә аралашып яшәргә язсын. Сез бик бәхетле гаилә. Сәламәтлектән аермасын сезне, Ходаем», — дип комментарийлар калдырганнар шагыйрәнең инстадуслары.
«Марҗа хатыны Ильяс дип куштырмагандыр әле. Ильядыр ул!» — дигән комментарий калдыручы да табылган. «Юк, Ильяс», — дип кире каккан аны Гөлүсә Шаһбан.