Фирдүс Тямаевның әнисенә операция ясаганнар | intertat.tatar

Фирдүс Тямаевның әнисенә операция ясаганнар

Фирдүс Тямаев әнисенә малларны бетерергә тәкъдим иткән.

Фирдүс Тямаевның әнисе күзенә операция ясаткан.

«Әни белән операциягә чиратлап йөрибез. Аллаһга шөкер, бар да әйбәт. Миндә яңа аяк, әнидә яңа күзләр», — дигән ул инстаграмда.

Җырчы әнисен хастаханәдән каршы алган. Галия апа күзендәге птеригиум дигән чирдән интеккән икән. «Табиб гарантия бирмәде, әле тагын үсәргә мөмкин диде», — ди әнисе борчылып.

«Малларны бетерерсең инде, әни. Тагын җидене алып кайткансың бит», — ди Тямаев.

«Кит әле. Мал караганга түгел, кино караганга чыккан ул», — дип елмая әнисе. (Фирдүс Тямаевның әнисе Галия ханым күпләп эре мал тота, кош-кортлар үстерә).

«Яныгызда шундый улыгыз булганда тереләсез дә, яшисез дә әле»

«Исән-имин булыгыз. Шулай бер-бер артлы булып ала инде ул. Алдагы тормышыгызда сау-сәламәт яшәргә язсын»;

«Җаным, арты хәерле булсын. Әйбәт кешеләрнең барысы да әйбәт булырга тиеш. Ходай беркемне дә дөнья яктылыгыннан аермасын»;

Эшләп үзен бетерә апа, бик дөрес, кыскартыгыз ул хайваннарны», — дигәннәр.

Фирдүс әнисенә бәлеш пешереп, мунча ягып куюлары турында әйтә. Ә инстачылар Галия апаны: «Операциядән соң мунча ярамый», — дип кисәткән.