"Зур бәхет": Яшь хатын "алып батыр" кыз тудырган

"Зур бәхет": Яшь хатын "алып батыр" кыз тудырган
Кемерово өлкәсенең балалар хастаханәсендә 5 кг 260 г авырлыктагы, 60 см озынлыктагы кыз бала дөньяга килгән. Бу турыда "Звезда" каналы хәбәр итте. 

"Нарасыйны һәм аның әти-әнисен зур бәхетләре белән котлыйбыз", - дигәннәр балалар тудыру йортында.

Видеокотлау 10 октябрьдә чыккан. Яңа туган кыз баланы "алып батыр" дип атыйлар. 

Хастаханәдә хәбәр иткәнчә, кыз 4 октябрьдә туган.

"Бу безнең батырыбыз. Александра Ильинична. 4 октябрьдә 17.00 сәгатьтә дөньяга килде. Менә шундый зур бәхетебез туды", - дип сөйли баланың бәхетле әнисе.