Дүрт бала анасы Лилия Муллагалиева ябыгу серен әйтте

Дүрт бала анасы Лилия Муллагалиева ябыгу серен әйтте
Лилия Муллагалиева нәни улын тотып төшкән фотосын инстаграмдагы сәхифәсенә куйган иде. Лилия кара күзлек кигән, кулында баласы йоклый. Ул инстачыларга хәерле кич тели. "Кызу көннәрнең кадерен белик. Салкыннар килә ди. Кайбер җирдә боз яуган. Аллам берүк сакласын", дип яза.

Инстачылар бертавыштан "ябыккансыз" дип язалар. Күпләр ничек итеп ябыгу серен беләсе килә. "Диета инде. Аз ашау", дип җавап биргән Лилия үзе.

"Ябыгасыгыз киләме? Уйлап карагыз әле. Ник Лилия шундый матурланган? Дүрт бала табып, тәрбияләп карагыз. Ашатасы, юасы, җыештырасы. Мәктәпкә озат, каршы ал. Алпавыт биләмәсен тәртиптә тотарга, тагын бишенче бала - Әтисе. Ябыгырсың, бик булган кешенең генә кулыннан килә ул", - дип яза бер инстачы. 

"Матурлыкны берничек тә бозып булмый", "бигрәк матур", " матур ханым", дип Лилиягә комплиментлар язганнар.