Егет кеше бер ай эчендә дүрт тапкыр өйләнгән һәм өч тапкыр аерылышкан | intertat.tatar

Егет кеше бер ай эчендә дүрт тапкыр өйләнгән һәм өч тапкыр аерылышкан

Банкта эшләүче бу ир-ат шулай итеп үзенең отпуск ялын озынайткан.

Тайваньдә яшәүче ир-ат бер ай эчендә дүрт тапкыр өйләнеп, өч тапкыр аерылышырга өлгергән. Бу турыда РЕН ТВ яза.

Банкта эшләүченең кеше түләүле отпускка чыгасы килә. Биредәге законнар буенча, өйләнгән очракта, кешегә сигез көн түләүле ял бирелә. Ләкин тиешле сигез көн генә бу ир-атка җитми. Шуңа күрә ул эксперимент ясый.

Ир-ат сөйгән кызына өйләнә, түләүле ялының соңгы көнендә ул бу кыз белән аерылыша. Киләсе тәүлектә ир-ат шушы ук хатынга кабат өйләнә, шулай итеп аңа тагын бер отпуск бирәләр.

Кияүгә бу аз булып тоела. Ир белән хатын 37 көн эчендә дүрт тапкыр никах терки һәм өч тапкыр аерылышу процессы аша уза.

Бу кеше эш бирүче хуҗасыннан дүртенче тапкыр отпуск алмакчы була, тик аңа каршы киләләр.

Банк хезмәткәре исә үзенекен итмәкче була, ул Тайбэй шәһәренең хезмәт буенча шәһәр бюросына шикаять яза. Нәтиҗәдә, аны хуплыйлар, компаниягә 20 мең яңа Тайвань доллары күләмендә (54 мең сум) штраф салалар.

Ләкин компания апелляциягә бирә, ул хезмәткәрнең намуссыз булуына басым ясый. Тик оешма эшне ота алмый, компания барыбер штраф түләргә тиеш була, диелә хәбәрдә.