«Һәркемнең үз җәннәте»: Венера Аитова бәбие белән төшкән фотоны күрсәтте

ТНВ каналында «Таяну ноктасы» тапшыруын алып баручы Венера Иванова кияүгә чыккач Аитова фамилиясенә күчте.

Венера Аитованың улы 2019 елның 19 сентябрендә дөньяга килде. Шушы көннәрдә Венера гаиләсе белән төшкән фотоны инстаграмдагы сәхифәсенә куйды.

«Бәхетле булыр өчен үз җәннәтеңдә яшәргә кирәк. Бер үк җәннәт барлык кешене дә канәгатьләндерә дип уйлаган идегезмени?» (Марк әфәнде Твен)», — дип яза ул.

Инстачылар Венерага һәм аның гаиләсенә сәламәтлек, бәхет тели.

«Һәркемнең үз җәннәте. Килешми мөмкин түгел, шулай бит? Һәркемгә аны табарга… дөресрәге булдырырга язсын», — ди Венера.