Анастасия Заворотнюк өй тирәсендә урамга чыгып йөри башлаган
Ул 2019 елдан бирле тамашачы алдына чыгудан туктады.
Яман шеш белән авыручы актриса Анастасия Заворотнюк шәһәр читендәге йортында яши. Ул урамга йөрергә чыга башлаган. Бу турыда Teleprogramma.pro хәбәр итте.
Туганнары Заворотнюкны фотога төшерүләрен теләми. Шуңа күрә ул өй тирәсендә койма артында гына йөри. Әгәр Анастасиягә шәһәргә барырга кирәк булса, машина ишек төбенә кадәр килеп туктый, чит кешеләр артистканы күрмәсен өчен тырышалар.
Заворотнюк гаиләсе өйдә кунаклар да кабул итми, аңа вируслар ияртүдән куркалар.
2019 елның җәендә матбугат чаралары Анастасия Заворотнюкның баш миендә яман шеш булуын хәбәр итә башлады. Башта актриса да, аның рәсми вәкилләре дә бу хәбәрне расламады. Шулай да Россия Президенты Владимир Путин белән генетик технологияләр турында сөйләшкәндә табиблар Заворотнюк диагнозын әйтте.
- Анастасия Заворотнюк авыр өзлегүләрдән интегә
- Анастасия Заворотнюк комада ята дигән хәбәр кире кагылган
- Анастасия Заворотнюк яман шеш белән авыруы турында хәбәрне кире какмаган
- Химия терапиясе Анастасия Заворотнюкның кыяфәтен шактый үзгәрткән
- Актриса Анастасия Заворотнюкның яман шеш белән авыруы билгеле булды