Винарис Ильегет Түбән Новгородка барып күгәрчен ашаткан

Җырчының «Алтын боҗра» шәһәрләре буенча сәяхәте бик матур үткән.

Танылган җырчы, алып баручы Винарис Ильегет дуслары белән Яңа ел бәйрәмнәрендә данлыклы «Алтын боҗра» шәһәрләре буенча сәяхәт кылган.

«Алтын боҗра”га кергән Дивеево, Арзамас, Муром шәһәрләре буенча сәяхәтебез көтелгәннән дә уңышлырак булды. Бик матур урыннар», дип яза ул үзенең Инстаграм сәхифәсендә. Шунда ук кызыклы гына фотосурәтләр дә урнаштырган.

Җырчы Түбән Новгородның Дивеево шәһәрендә булган чакта көнбагыш сатып алып, урамдагы күгәрченнәрне ашаткан. «Әкияттәгечә тылсымлы бу Дивеево шәһәре. Аның гүзәллеген сүз белән генә сурәтләп булмый. Дусларыма компания өчен чын күңелдән рәхмәт», ди ул.

«Чыннан да, бик матур», дип яза, җырчыга җавап итеп инстадаш дуслары.

Бер ханымның «төзеп бетерделәрдәмени аны?» дип гаҗәпләнеп биргән соравына, «бик күптән инде», дип җавап та биргән.