Яман шештән үлгән Жанна Фриске турындагы кинода төп рольне кем башкарганы билгеле булды

Мәрхүмә җырчы турында тулы метражлы нәфис фильм төшерәләр.
Баш миендәге яман шештән вафат булган Жанна Фриске тормышы турында фильм төшерәләр. Бу хакта җырчының әтисе Владимир Копылов «Газета.Ру» сайтына сөйләгән.

Жанна турында документаль фильмнар күп төшерелде. Тулы метражлы нәфис фильм әлегә юк иде. Жанна Фриске ролен аның сеңлесе Наталья Фриске башкарачак, дигән Владимир Копылов.

Мәрхүмә җырчы роленә күп артистларны караганнар. Тик берсе дә кастингны уза алмаган. Наташа моңа кадәр дә "Блестящие" төркемендә катнашкан иде. Ул бу рольне башкарып чыга алыр дип ышаналар.

Жаннаның бала-чагын уйнау өчен өч кыз бала сайлап алачаклар. Фильмны сценарист һәм язучы Геннадий Куркин эшли. "Россия", Беренче, НТВ каналлары фильм белән кызыксына, диелгән әлеге хәбәрдә.



  • Россия эстрадасы йолдызы Жанна Фриске 2015 елның 15 июнендә яман шештән үлде.