«Казан егетләре» төркеме солисты Айдар Әгъләмов тиздән әти булачак
Айдар Әгъләмовның тормыш иптәше Камилла Радиковна Инстаграм битендә фотолар урнаштырган. Әлеге фотоларда Камилланың бәби көтүе күренә.
«Киләсе фотоны карасагыз, могҗиза күрә алачаксыз. Тиздән минем Инстаграм битем әниләр сәхифәсенә охшап калыр бугай», — дип язган ул.
Виртуаль дуслары да әлеге хәбәрне бик шатланып кабул иткәннәр.
«Тфү-тфү, котлыйбыз сезне», «Бәхетле булыгыз», «Шатлыклы яңалык, көтәбез», — дип яза инстачылар.