«Салават бушка куйды, оят түгелме?» - Ришат Фазлыйәхмәтов түләүле онлайн концерт куя
Ришат Фазлыйәхмәтов тамашачыларын түләүле онлайн концертына чакырды.
«Исәнмесез, хөрмәтле язылучыларым, иҗатымны яратучылар! „Нигә онлайн концертлар куймыйсыз?“ — дип күпләр сорый. Дуслар, без уйладык-уйладык та түләүле онлайн концерт оештырырга булдык. Концертны карарга риза булганнар, комментарий калдырыгыз, көтеп калам! Билет бәясе 100 сумнан башлана», — дип сөйли ул.
Инстачыларны Ришатның әлеге хәбәре гаҗәпкә калдырган.
«Бу сиңа бер дә охшамаган. Тәтишкаңа акча кирәктер. Шундый вакытта онлайн концерт өчен акча сорарга оят түгелме? Салават һәм Зәйнәб тә бушка куйдылар. Үзеңне түбәнсетмә», «Безгә Фирдүс бушка күрсәтә, рәхмәт аңа», «Аларның бит утка түлисе бар. Аларга бит беркайдан да акча килми. Мин риза», «Ярар, гаепләмәгез Ришатны. 500-600 сум түләп, бер тиенгә ярамаган концертлар да карыйбыз бит. Акча кайсыгызга кирәк түгел икән? Бигрәк энәдән дөя ясыйсыз», — дип яза алар.