Рәфинә Ганиуллина - иренә: "Урамда салкын, кибеттә кеше күп дидең, өйдә булса да кабатлыйк"

Рәфинә Ганиуллина - иренә: "Урамда салкын, кибеттә кеше күп дидең, өйдә булса да кабатлыйк"
Рәфинә Ганиуллина белән Рәзил Камалов 9 ноябрьдә филармония концертлар залында үтәчәк «1+1. Ир плюс хатын» парлы дуэтлар тамашасында катнашырга әзерләнә.

Рәфинә Ганиуллина уклау тотып ире Рәзил Камалов белән репетиция ясаган. Видеода Рәфинә "урамда салкын, кибеттә кеше күп дидең, өйдә булса да кабатлыйк" дип кулына уклау ала. Бу шаян видео инстачылар күңеленә хуш килгән.

"Уклау таягы, Рәзилгә? Кирәкми...", "Уклау күргәч, сразу "давай" ди", "Уклау җырлата да, шомарта да, волшебная палочка. Җыры да матур булырга охшап тора", - дип комментарийлар калдырганнар.

Инстачыларның күбесе иҗади гаиләгә соклануларын белдергән һәм бәхетле тормыш теләгән.