"Билет бәяләре егерме кешелек ансамбль тотарга җитми, әмма арттырып та булмый" - Хәния Фәрхинең 2013 елдагы чыгышыннан (видео)

Хәния Фәрхи 2013 елның декабрендәге матбугат конференциясендә татар концертларына билетлар хакы кыйммәт дигән сүз белән килешмәвен белдергән иде.
"Бик очсыз билетлар. Мин бит Россия буенча гастрольләрдә йөрим. Аренданы алсак, рус эстрадасының билетлары ун тапкырга кыйммәтрәк. Тамашачылары да күбрәк, чөнки рус эстрадасына татары да, урысы да, марие да, чувашы да килә. Ә аренданы без шулай ук түлибез. Ә безнең тамашачылар, кызганычка каршы, билет бәяләрен арттыруга әле әзер түгел. Ә менә мин егерме кешелек ансамбль тотам, аның өчен ул җитми. Киресенчә, үзебезнең иҗатыбызның бәясен күтәрергә тырышырга кирәк безгә!"