Винера Ганиева: «Хезмәтчем дә, бакчачым да юк»
Татарстанның халык җырчысы инстачыларның сорауларына җавап итеп видео төшергән.
Винера Ганиева бакчасын сугарганын видеога төшергән. Инстачылар бакчаны кем карап торуы белән кызыксынып, җырчыга сораулар җибәрә икән. Шуңа да Татарстанның халык җырчысы инстачыларның сорауларына җавап итеп видео төшергән.
«Хезмәтчем дә, бакчачым да юк! Үзем булдырам», — дип язган ул.
«Хәзер мөмкинлегең бар икән, бакчачы тоту гаеп эш түгел», — дип язучыга: «Кулдан килгәндә, булдыра алганда бер дә авыр түгел», — дип язган җырчы.
«Үз бакчаңда рәхәтләнеп үзең эшләү — дөнья рәхәте», - дип язган инстачы белән җырчы үзе дә килешкән.
«Бакчагыз бигрәк матур», «Күңеле матур кешеләрнең эше дә, тормышы да, җыры да, бар дөньясы да матур. Матурлыкны булдыра аласыз», «Винера ханымның биштән торып эшләгәнен беләбез», — дип комментарий калдырганнар.